7de Laan
Keer terug na programlys
Opsomming
7de Laan is plaaslik vervaardigde sepie wat in ’n fiktiewe hoër-middelklas voorstad van Johannesburg in ’n paar selektiewe ruimtes afspeel. Dié ruimtes sluit die deli, die koffiewinkel, die sportwinkel en klub in. Binne hierdie geslote omgewing stel die sepie tot op ’n punt ’n liberaal-pluralistiese utopie van die reënboognasie voor waar al die karakters, ongeag hul ouderdom, geslag of sosiale agtergrond op homogene wyse interaksie het. Dit verskaf utopiese beelde van gemeenskap, werkersklas- en etniese solidariteit en persoonlike vriendskappe sonder om noodwendig te vra na die impak van ’n alternatiewe samelewing.
Hierdie week op 7de Laan
Hierdie week op 7de Laan
Ons opinies
Die demokratisering van Suid-Afrika het in die middel van die jare tagtig begin en die hoogtepunt was die eerste vrye verkiesings wat in 1994 gehou is. Die “struggle” was amptelik verby, maar onoffisieel was 1994 die begin van ’n nuwe stryd – die konstruksie van ’n nasionale Suid-Afrikaanse identiteit. In die lig van Suid-Afrika se geskiedenis van ongelykheid, sorg die kwessie van identiteit vir heelwat kommer, debat en konflik alhoewel die land se politici die idee van “eenheid in diversiteit” verkondig. In hierdie opsig dien Aartsbiskop Desmond Tutu se beskrywing van Suid-Afrika as ’n “reënboognasie” as ’n bemiddelde metafoor vir ’n land wat kennelik divers van aard is dog in gees verenig is.
Die vryheidstryd in Suid-Afrika was aangedrewe deur nie-wit Suid-Afrikaners se begeerte om deel te neem aan die land se politieke en sosiale prosesse. Op soortgelyke wyse word die huidige nasiebou-proses voortgestu deur die begeerte om ’n Suid-Afrikaanse openbare sfeer te skep wat vry is van rassisme, seksisme en en al die ander “ismes” – met ander woorde, ’n plek waar mense uit alle sfere van die samelewing in vrede en harmonie kan saamleef. Hoewel koerantberigte oor die huidige stand van sake in Suid-Afrika impliseer dat dit ’n veraf droom is, suggereer Afrikaanse televisieprogramme op die SABC dikwels die teenoorgestelde. Hulle bied utopiese beelde van gemeenskap, werkersklas- en etniese solidariteit en persoonlike vriendskap sonder om noodwendig indringend na die impak van ’n alternatiewe samelewing te vra. Hulle mag dit dalk doen om te vermy om in Afrikaans se politieke bagasie verstrengel te raak. Ongeag die feit dat Afrikaans feitlik gelykop verdeel tussen wit en nie-wit sprekers, word Afrikaanse televisie se rol in Suid-Afrika se soeke na ’n nasionale identiteit gekompliseer deur Afrikaans se unieke geskiedenis as sowel ’n taal van vereniging (in die projek van wit Afrikanernasionalisme) en ’n taal van onderdrukking (die gevolg van die feit dat wit Afrikanernasionaliste die ideologie van apartheid gesteun het). Die meeste Afrikaanse programme blyk dus uit te gaan van die veronderstelling dat vermaak los (behoort te) staan van politiek en beeld die kleurvolle Suid-Afrikaanse nasie uit as ’n polities en sosiaal geïntegreerde samelewing sonder enige konflik en sonder enige blywende politieke bagasie. Hierdie soort representasie is egter geneig om die verskillende groepe tot ’n eenderse wit, middelklas mengsel saam te voeg.
Zegeye & Harris’s (2003 :1-2) voer aan dat Suid-Afrika se massamedia nie net belangrike bronne van openbare inligting en kanale vir kommunikasie is nie; hulle dien ook as belangrike draers van die identiteite en belange van die verskillende sosiale groeperings in die Suid-Afrikaanse samelewing. In hierdie kapasiteit help die media om die relatiewe mag, status en invloed van hierdie groepe te bepaal. Indien ons hierdie stelling aanvaar, wil dit blyk dat die onderliggende boodskap van die representasies van Suid-Afrikaners op Afrikaanse televisieprogramme is dat ten einde mag en aanvaarding in die kontemporêre Suid-Afrikaanse samelewing te verkry, ons almal wit, middelklas waardes en gedrag moet nastreef.
Stem jy saam met hierdie stelling? Verskil jy daarvan? Sê jou sê!
4 Kommentaar (2 Stem saam, 2 Stem nie saam nie)
Mae
Gestuur March 18, 2009, 13:27I dnt understand why a negative conclusion has been drawn frm the fact that some Afrikaans tv programmes hav chosen to giv viewers a utopian view of S.A.
Altho 7de Laan isnt an accurate depiction of post '94 S.A,I appreciate the ideal it is tryin to promote.I see enough negativity round me everyday&would hate to turn on the tv aftr a hard day @work jst to b confrontd wit the same connotations Im forced to endure in reality.Afterall,which fictional tv programme do u knw that produces imagery/scripts that giv the viewer a depiction that is100%precise when compared to the conditions of evryday life?Many fictional programmes eithr tend to sensationalize issues OR overlook them.I dnt think we r likely to find a programme that accurately depicts the daily life of each&evry viewer who tunes in to watch it.Which begs my final question:who r u to decide what is or isnt fact since u arent ubiquitous& cnt see how evry viewer lives their lives OR what they do or dnt encountr on a daily basis?
Mae
Gestuur March 18, 2009, 13:29Also, what I appreciate most about 7de Laan (considering the fact that I am a young coloured viewer) is that it doesnt depict the coloured nation as mindless oafs with the same damn accent living the same old played out "gangsta", "thug", "moffie" or hedonistic low-class life, which is what SO MANY SABC programmes seem to present us as. Evrything on TV has been turned into a black/white thing and it is really a pleasure to be able to watch a programme that actually understands that there r DIFFERENT types of peopl in evry race and manages to to represent each facet of South Africa's diverse races. (The same can be said for Isidingo although it is not an Afrikaans programme).
pododon
Gestuur June 17, 2010, 04:1959Mbl3 <a href="http://itndpehbthcb.com/">itndpehbthcb</a>, [url=http://yabgyvfxeabd.com/]yabgyvfxeabd[/url], [link=http://rnulxmjbcjkq.com/]rnulxmjbcjkq[/link], http://wlrrfkoqlezp.com/
jellybirds
Gestuur June 18, 2010, 01:25sKzvor <a href="http://mlxmhdksieku.com/">mlxmhdksieku</a>, [url=http://objvqzpsvbua.com/]objvqzpsvbua[/url], [link=http://orpazqxazlmi.com/]orpazqxazlmi[/link], http://mxcxowvjavdf.com/